“Mund të më vrisni”, Vuçiç i qëndron stoik vendimit të tij: Nuk e njoh Kosovën

Presidenti i Serbisë Aleksandër Vuçiç ka përsëritur dhe një herë qendrimin e tij në lidhje me njohjen e Kosovës si shtet i pavarur.

Në një kohë  ku ndërkombëtarët lobojnë fortë për njohjen e Kosovës nga Serbia, presidenti Vuçic është shprehur se ata nuk mund ta detyrojnë atë të bëjë këtë gjë. Ai u shpreh për “Tanjug“ se më mirë të vritet se të njohë Kosovën dhe këtë gjë sdo e bëjë për sa kohë dop jetë ai president.

“Mund të më vrisni, por ajo nuk do të ndodhë. Ju them, anglezëve dhe gjermanëve se nuk do ta bëjë atë. Më goditni, por unë s’do ta bëj. Mund të jem president edhe për 15 vjet, por nuk e njoh Kosovën”, ka deklaruar Vuçiç, shkruan “Tanjug“.

Asnjë marrëveshje nuk u arrit në Samitin e Berlinit, ndërkohë që pritet të këtë bisedime të tjera dhe në Samitin e Parisit që do mbahet më 1 Korrik ku do jenë të pranishëm kancelarja e Gjermanisë Angela Merkel dhe presidenti i Francës Emanuel Macron.