Delegacioni i Bashkimit Europian në Shqipëri ofron mundësi të reja punësimi. Nëpërmjet një njoftimi për shtyp, BE u bën thirrje qytetarëve, që të aplikojnë për të shërbyer në Komisionet e Rivlerësimit, pjesë e Ligjit të Vettingut.
“Delegacioni i Bashkimit Evropian në Shqipëri i bën thirrje të gjithë shqiptarëve të kualifikuar, brenda dhe jashtë vendit, që të aplikojnë për të shërbyer në Komisionet e Rivlerësimit”, thuhet në njoftim.
Ekspertë nga SHBA dhe BE, në koordinim me anëtarët e Komisionit të Rivlerësimit, do të marrin në dorë dosjet e pasurisë dhe të dhënat për anëtarët e Gjykatës Kushtetuese, që do të hetojnë gjyqtarët dhe prokurorët në kuadër të Vettingut.
E njëjta ftesë është bërë më parë edhe nga Ambasada Amerikane. Për t’u njohur me hollësitë e aplikimit, vizitoni faqen zyrtarë të Avokatit të Popullit. (D.D/Shuplaka)
Discussion about this post