Bilal Shehu, pronarin e një servisi makinash në New Jersy, i cili i mundësoi Edi Ramës në tetor të vitit 2012 pjesëmarrjen në një takim me Presidentin e SHBA-ve, Barack Obama është shpallur sot fajtor nga gjykata amerikane. Shehu është dënuar me 1 vit burg me kusht.
Kryeministri shqiptar në atë kohe lider opozite, përfitoi të bënte dhe një foto që më pas u shpërnda në media.
Një gjykatë në New Jersey e shpalli fajtor Shehun për donacionin me vlerë 80 mijë dollarë, pasi ai pranoi para togave të zeza se shuma e parave kishte një burim jashtë SHBA-ve, ç’ka është e dënueshme nga legjislacioni amerikan, shkruan një portal online.
Shqiptari me shtetësi amerikane pranoi para gjykatës se këto para i kishte marrë nga një person që të merrte pjesë në takimin me Obamën në San Francisco në tetor të vitit 2012. (J.V/Shuplaka)
