Kreu i LIBRA-s Ben Blushi sqaron se pse nuk ndodhet në tryezën e negociatave të thirrur nga Partia Republikane dhe ajo Agrare Ambientaliste, që po zhvillohet në Kryesinë e Kuvendit.
Nëpërmjet një sqarimi në Facebook, Blushi shprehet se pavarësisht se e kishte konfirmuar pjesëmarrjen, ai nuk mundi dot të ishte i pranishëm duke qenë se është në disa takime në Tiranë.
“PSE NUK JAM NË TRYEZË
Duke takuar njerëz të zakonshëm nëpër Tiranë. Nuk kisha pse ndërprisja takimet e planifikuara me ta për të marrë pjesë në një tryezë nga e cila nuk pres ndonjë zgjidhje, të paktën sonte. Megjithatë Mimoza Hafizi është aty në emër të LIBRA, për të kërkuar standarte zgjedhore më të mira dhe mbajtjen e zgjedhjeve sa më shpejt që është e mundur. Kriza ku kemi hyrë, zgjidhet vetëm me zgjedhje të shpejta dhe të shpeshta për të cilat LIBRA ështe gati. Ne do pranonim cdo zgjidhje që garanton garë të ndershme të të gjitha partive dhe kandidatëve pa përjashtim.”, sqaron Blushi. (D.D/Shuplaka)
Discussion about this post