Vetëm pak minuta më parë, në një deklaratë për mediat, Ministria e Mirëqënies Sociale deklaroi se janë konstatuar shkelje në shpërndarjen e ndihmës ekonomike në Qarkun e Korçës.
Shkelja më e rëndë e konstatuar ka qenë ajo e mungesa e listave emërore të përfituesve të ndihmës ekonomike. Ministria e Mirëqënies Sociale ngre dyshimet se mosafishimi i tyre ka qenë i dyshimtë për të favorizuar individë në mbështetje të subjekteve politike.
Kjo ministri i kërkon ministrisë së Financave që të nisë urgjentisht inspektimin financiar.
“Mungesa e listave të familjeve që përfitojnë nga ndihma ekonomike ngre dyshime për keqmenaxhim financiar, shpërdorim të detyrës apo korrupsion nga ana e punonjësve të përfshirë në proces.
Nisur nga këto të dhëna Ministria e Mirëqënies Sociale dhe Rinisë i ka kërkuar Ministrisë së Financave, nisjen urgjent te inspektimit financiar. Gjithashtu, nisur nga dyshimi se mungesa e listave të përfituesve, dhe mos afishimi i tyre është bërë për të favorizuar individë në mbështetje të fushatës zgjedhore për subjekte të caktuara politike.”, citohet në deklaratën për mediat të Ministrisë së Mirëqënies Sociale mbi shkeljet e konstatuara në shpërndarjen e ndihmës ekonomike.
(XH.A/SHUPLAKA)
