Mungon medikamenti, banorët të rrezikuar nga kafshimi i gjarprit

Antibiotiku (antiviperi) që injektohet në rastet e kafshimit nga gjarpri mungon në zonat në periferi të Tiranës.

Emisioni “BOOM” ka bërë në vëzhgim dhe ka zbulur mungesën e këtij medikamenti në qendrat shëndetësore, e vetmja rrugë shpëtimi është që banorët që mund të kenë fatin e keq të pickohen nga gjarpërinjtë të drejtohen menjëherë për në QSUT.

Në qendrat shëndetësore në Farkë të Madhe dhe Farkë të vogël, përfshirë Lundrën dhe Çollakun ka mungesë të serumit.

Edhe një që mbante ambulanca e Farkës së Madhe i kishte kaluar data e skadencës prej një viti, do të thotë që nuk është efektiv.

Mjekët e pyetur rreth kësaj çeshtje thonë se medikamenti kushton dhe nuk kanë buxhet.

Por nga ana tjetër duket se ky serum nuk mund të gjendet as privatisht, pasi mungon dhe në farmaci.

(B.H/Shuplaka)