Rreth 300 të dënuar dhe të paraburgosur që gjenden në IEVP-në e Durrësit, kanë shprehur shqetësimet e tyre për mungesën e ujit në burg. Të pajisur me bidona në duar, ata i janë drejtuar sot burgut për t’i dërguar ujë familjarëve që rrezikohen nga sëmundjet infektive.
Lidhur me situatën e shkaktuar nga mungesa e ujit për të pirë dhe në dushe, “DurrësLajm” bën me dije se kërkoi një prononcim nga IEVP, që nuk iu dha. Prej disa ditësh, të dënuarit janë duke u përballur me situatën e shkaktuar nga moti i keq.
Si pasojë e motit të keq, mësohet se janë pezulluar edhe seancat gjyqësore në Gjykatën e Durrësit për personat e dënuar dhe ata në paraburgim.
Mësohet se tetë të dënuar dhe të paraburgosur që kishin së fundmi seancat gjyqësore, nuk janë paraqitur në gjykatë sepse automjetet që bëjnë transportin e tyre kanë pësuar defekte në çarje tubash nga ngrica dhe acari. (XH.A/SHUPLAKA)
Discussion about this post