Bashkimi Europian ka reaguar lidhur me ngritjen e murit të Mitrovicës. Në një deklaratë të sajën, Zyra e BE-së në Prishtinë thotë se “marrëveshja për urën e Mitrovicës është arritur në kuadër të dialogut të ndërmjetësuar nga BE-ja, mes Beogradit dhe Prishtinës në gusht të vitit 2015”.
Së fundmi, përfaqësues të Bashkimit Europian kanë zhvilluar takime me të dyja palët me qëllim qartësimin e disa çështjeve lidhur me implementimin e marrëveshjes. Sipas BE-së, palët në këtë marrëveshje janë darkordësuar që korniza paraprake për rrethrrotullimin të respektohet plotësisht prej tyre.
“Të dyja palët kanë rënë dakord për të harmonizuar kornizat e projektit për rivitalizimin e urës së Mitrovicës dhe për projektin e këmbësorëve në rrugën ‘Mbreti Petar’.
BE-ja do të mbesë në kontakte me të dyja palët për të siguruar implementimin e marrëveshjes së gushtit 2015, si dhe implementimin e marrëveshjes të gushtit 2016, duke marrë mirëkuptimin e palëve të arritur sërish sot se, afati i fundit i 20 janarit për rihapjen e urës dhe kthimin e ‘Mbretit Petar’ në rrugë për këmbësorët do të përmbushet.”, ka njoftuar Zyra e BE-së përmes një komunikate zyrtare.
Discussion about this post