Darka në Sarajevë që mblodhi ndër të tjerë, kryeministrat e Shqipërisë, Kosovës dhe Serbisë, flitet se nuk ka qenë e qetë. Media serbe shkruajnë për një sherr të ndodhur gjatë darkës mes dy rivalëve.
Sipas gazetës serbe “Blic”, kryeministri i Serbisë, Aleksandar Vuçiç, i ka kërkuar llogari homologut të tij kosovar Isa Mustafa, mbi një vendim të qeverisë së Kosovës, për kalimin në pronësi të kësaj republike të aseteve të Ish-Republikës Jugosllave.
“Ju nuk mund t’i grabisni kështu pronat tona”, flitet të jetë shprehur Vuçiç duke këmbëngulur se këto asete i përkasin Serbisë.
Gazeta serbe nuk flet gjë për kryeministrin Rama, nëse ka ndërhyrë për të shuar sherrin e një çasti gjatë darkës.
(XH.A/SHUPLAKA)
Discussion about this post