Ish-ministri i Jashtëm Besnik Mustafaj në rubrikën Opinion është shprehur se Basha e ka menaxhuar mirë situatën e zërave kundër dhe se nuk ka pasur nervozitet si lider.
” Ofrimi i 4 ministrave ka qenë një fitore, pavarësisht se heqja e dy ministrave Beqja dhe Tahiri ishte një simbol i madh, dhe nuk mbante më qeveria. Beteja e Kavajës ka qenë e panevojshme për PD. Lëvizja e të gjithë krerëve konfirmon akuzat dhe drogën në mënyrë të veçantë. Basha e ka menaxhuar mirë situatën , nuk ka pasur nervozitet, duhet të kishte më shumë zëra kundër. Yee është përfaqësues i DASH, do vijë ambasador në Greqi së shpejti, është një zgjedhje jorastësore, forca e SHBA është po ajo që kanë qenë”,-tha Mustafaj.
Për marrëveshjen që po qarkullon në ajër se do të bien dakort palët, ai u shpreh se beson që do të ketë garanci që opozita do t’i marrë.
“Unë besoj se sot do hartohet një marrëveshje dhe kjo më bën optimist. Unë besoj se të gjitha shenjat janë se po. Unë besoj se opozita merr garanci me paketën McAllister. Por ne nuk i njohim detajet. Ajo është platformë. Po punohet, po negociohet dhe do arrihet në një kuadër të plotë. Opozita do marrë garanci kur të shoh ca është pranuar dhe ca jo. Shenjat e optimizmit qoftë të Bashës, qoftë të aleatëve, janë për mirë”, tha ish-deputeti Mustafaj.
I pyetur për protestën e 13 majit, Mustafaj tha se bilanci i saj është pozitiv
“Bilanci i kësaj protestë është pozitiv në thelbin e vet. Është arritur ndërkombëtarizimi i krizës, si asnjëherë tjetër, i mosbesimit të opozitës tek maxhoranca. Çka është një goditje për imazhin e maxhorancës. Presioni ndërkombëtar ka qenë i përqendruar tek opozita që kjo e fundit të hynte në zgjedhje. Lëvizja e 4 ministrave ka qenë fitore e PD. Rama ka treguar dritëshkurtësi politike. Po ashtu lëvizja e krerëve të policisë ishte meritë e PD-së”,-tha Mustafaj.
(M.D/Shuplaka)
