Mustafaj për Gjanën dhe të tjerë mbështetës të Bashës: E kanë nga budallallëku apo shenjtallëku?

Besnik Mustafaj, një nga kritikët e Lulzim Bashës në krye të partisë ka shkruar sot në lidhje me zhvillimet e fundit brenda Partisë.

Po ashtu mes rreshtave Mustafaj ka përmendur dhe Jemin Gjanën dhe të tjerë persona që rrinë pranë Kryetarit. Mustafaj është në dilemë nëse këtë e bëjnë nga budallallëku apo nga shejtanllëku.

“Basha nuk dëshiron ta kuptojë se gojën e kritikëve e mbyll vetëm duke bërë mirë detyrën e kryetarit të Partisë Demokratike, e cila nuk është vatha e tij personale, por shtëpia e të gjithë demokratëve.

Duke i hequr kësaj shtëpie gurin e themelit, siç bën, i ndihmuar edhe nga një grup jeminësh, nga budallallëku apo nga shejtanllëku, – njësoj është rezultati -, ai po e shtyn të djathtën politike shqiptare drejt një humnere, nga ku asaj do t’i duket një mundim i madh për të dalë.

Unë nuk po flas pra thjesht për të shpëtuar shpirtin tim. Nuk do të doja të isha dëshmitar i kësaj katastrofe”, shkruan ndër të tjera në analizën e tij botuar të ‘’Panorama”.

(E.K/SHUPLAKA)