Mustafaj për zgjedhjet: Basha t’i tregojë kufirin Berishës!

Në ditën e parë të këtij viti, Partia Demokratike ka vendosur pikat e para të programit qeverisës.

Por partia kryesore opozitare ende nuk ka vendosur se më kë grup synon të garojë.

Megjithatë, shkrimtari dhe ish-diplomati Besnik Mustafaj ka një sugjerim për Ramën.

Në një intervitë për televizionin “Ora Neës”, Mustafaj mendon se Basha duhet t’i tregojë kufirin Berishës.

Mustafaj: “Berisha ka deklaruar se nuk ndërhyn, por njëkohësisht mendoj se Basha duke mos qenë pjesë e lidershipit të historisë së PD qysh në fillim, dhe personalitetin e fortë, Basha ka kompleksin e historisë siç e kanë krejt te rinjtë. Por më shumë se kompleks ka qenë ndikim i një marrëdhënie dhe respekti të ekzagjeruar nga ana e Bashës. Unë Bashës i kam sygjeruar që duhet t’i tregojë kufirin Berishës. Unë nuk besoj se njerëzit duhet të largohen vetë nga politika. Kur e kanë kryer ciklin e tyre, duhet t’i tregohet vendi me votë dhe nga lidershipi i ri. Fakt është se Berisha ka bërë opozitë të fortë, ka qenë kompensim i madh për cilesinë e grupit parlamentar. Ka pas një ndikim në disa momente kyçe, le të kujtojmë këtu denoncime të mëdha që ka bërë dhe forca goditëse i ka shërbyer rolit që ka opozita. Nuk jam në gjendje t’i them Bashës nëqoftëse duhet të jetë Berisha në listat e reja. Nëqoftëse nuk do jetë me kë do ta zëvendësojë, nëqoftëse do të jetë si do mbahet nën kontroll. Janë gjëra qe duhet t’i zgjedh kryetari”, thotë Mustafaj.

Megjithatë shkrimtari shton se Basha është distancuar shpesh nga keqeverisja me gjeste të mirëpritura nga publiku. Por megjithatë, ai nuk duhet të harxhojë kohë duke kërkuar falje për të shkuarën por duhet të punojë për të ardhmen dhe të krijojë besimin tek shqiptarët. (D.D/Shuplaka)