Muzika shqiptare në zi, shuhet këngëtarja e madhe Anita Take (VIDEO)

Është ndarë nga jeta mbrëmjen e sotme këngëtarja e njohur e muzikës shqiptare, Anita Take.

Edhe pse prej vitesh larg skenës, Anita Take vazhdon të kujtohet me nostalgji nga të gjithë ata që e kanë njohur atë. 

Lajmi për vdekjen konfirmohet nga familjarët e artistes.

“Me keqardhje, në emër te familjes Prodani, ju njoftojmë largimin nga jeta te zonjës se nderuar Anida Take (Prodani), sot me date 12 janar, në moshën 83 vjeçare. Ndarja e saj nga jeta erdhi për shkaqe natyrore në shtëpinë e saj”- thuhet në njoftimin e familjes së këngëtares Anita Take. Familjarët njoftojnë gjithashtu se homazhet do të bëhen ditën e premte, date 13 janar, nga ora 11:00-12:00, ne hollin e Radio Tiranës. Funerali nis nga ora 12:00, prej andej për ne Varrezat e Sharrës. Familjaret do te presin vizita ngushëllimi ne mjediset e Hotel Mondial, duke nisur nga dita e shtunë në orën 10:00, 14:00, 16:00 dhe 20:00″.

Këngëtarja e madhe ka lënë gjurmë të thella në historikun e muzikës dhe të këngës shqiptare.

Ajo u ngjit në skenë para 50-vjetësh, por vazhdon të kujtohet me nostalgji nga të gjithë ata që e kanë ndjekur karrierën e saj artistike.  

Për kontributin e dhënë në muzikë ajo është dekoruar nga Presidenti i Republikës me titullin e lartë: “Naim Frashëri i Artë”.  (A.R/SHUPLAKA)