Deputeti Myslim Murrizi ka deklaruar se 29 deputetë të opozitës parlamentare kanë firmosur një kërkesë bnndaj Kuvendit të Shqipërisë për ndryshimet Kushtetuese në nenet që parashikojnë hapjen e listave dhe përcaktimin e zonave zgjedhore.
Ai tha se kërkesa e deputetëve të opozitës nuk ka ndryshuar në asnjë pikë të saj ndërkohë theksoi se shqiptarët duhet të votojnë të preferuarit e tyre jo të kryetarëve të partive.
“Jam sot këtu për të shprehur para shqiptarëve se 29 deputetë të opozitës, në mënyrë institucionale sic e parashikon Kushtetuta, kërkojmë rishikimin e Kushtetutës që parashikon hapjen e listave dhe zonat zgjedhore. Presim mazhorancën dhe aktorët jashtë parlamentit për të diskutuar në Komisionin Parlamentar të Reformës Zgjedhore. Kërkesa jonë është t’ju ofrojmë shqiptarëve mundësinë që përmes votës me lista të hapura dhe jo me emërimet e kryetarëve.
Ka edhe deputetë të tjerë që do firmosin, 29 ishin të pranishëm. Që të mos flasim poshtë tavolinave dhe të bëhemi si këta tu shëtit, të votojmë këto ndryshime. Drafti që sot depozituam në Kuvend parashikon hapjen e listave, kemi kërkuar nenin 68 dhe nenin 64 dhe na e jep këtë të drejtë neni 167 i Kushtetutës, detajet janë teknike që sanksionohen në Kodin Zgjedhor “, tha Murrizi.
(F.GJ/FAXWEB.AL)
