Kryebashkiaku i Kamzës, Xhelal Mziu, organizoi sot një drekë me gazetarët me rastin e festave të fundvitit. Por tema kryesore e bisedave ka qenë titulli “Qytetar Nderi” që bashkia në fjalë i akordoi presidentit të ri të SHBA-ve, Donald Trump.
Ai u tregua i sinqertë në përgjigje, duke u shprehur se gjithçka u bë për të tërhequr vëmëndjen e mediave, që sipas tij e kishin harruar.
“Kam tre vjet që bëj investime serioze me impakt për banorët e Kamzës. Tirana është afër fizikisht me Kamzën, por larg vëmendjes së medias. Lajmet e mira nuk pasqyrohen në media. Unë gjithnjë kam besuar se do të fitonte Trump, dhe kur ai fitoi me të vërtetë, i dhashë çmim. Në fakt jam republikan dhe besoj te ideologjia republikane. Dhënia e çmimit ishte një mënyrë për të përdorur ju të medias të shkruani lajme për bashkinë tonë. Fakti që kisha dhe kryeministrin kundër, më ndihmoi më shumë”, tha Mziu, përcjell A1 Report.
Ai premtoi se nëse do të ndërtohet ndonjë rrugë e re në bashkinë e Kamzës atëherë do të marrë emrin e Donald Trump.
“Po të bëhet ndonjë rrugë e re, do t’i vendos dhe një emër rruge”, u shpreh Mziu.
Discussion about this post