Deputeti Lefter Maliqi gjatë fjalës së tij në Kuvend për interperlancën me ministrin e Brendshëm Sandër Lleshaj, ka këmbëngulur se paketa e ligjeve ‘antiKÇK” është thjesht një show politik dhe se qeveria as nuk e ka ndërmend të vendosë ‘shtetin ligjor’. Në fjalën e tij Maliqi nuk ka lënë pa fshikulluar dhe ambasadorin e BE, Luigi Soreca.
“Na del ky Soreca, ç’a është ky? Na thotë po ndjekim paranë. Kështu po bëjnë këta, e lanë Shqipërinë në mjerim. Ku e keni informacionin? Ku e keni luftën kundër krimit. Ku ka të fortë me shtetin? Jeni ju që keni këtë sistem të korruptuar politik. Këtu tregohen përralla. Soreca qeshte dje aty. I thoshte shiko këtë se ky është… i kapur nga KÇK i Bashkimit Evropian. Ne besojmë tek ambasadorja Amerikane.” tha deputeti Maliqi.
Deputeti iu referua një videoje që qarkulloi dje në të gjitha mediat shqiptare ku Rama tregonte një histori se si kandidatët për ambasador në Shqipëri ishin 3-4 herë më të shumtë në numër se në vendet e tjera në BE, pasi këtu nuk gjejnë, disiplinën, monotoninë dhe rregullat e vendeve perëndimore. Ndërsa Rama bënte këtë rrëfim kamera fiksoi ambasadorin Soreca të qeshte.
Discussion about this post