Festat e fundvitit prej kohësh janë kthyer në mishërimin e familjes, kohës kur të gjithë bëhen bashkë ndikuar edhe nga kthimi i emigrantëve. Edhe këtë herë, si çdo vit në dy pikat e kalimit kufitar me Greqinë shfaqen rradhë të mëdha të automjeteve dhe emigrantëve.
“Fax News” ka sjellë paraditen e sotme pamje nga Kakavija dhe Kapshtica ku shihen emigrant që përballojnë kushtet e vështira të motit dhe temperaturat ekstreme.
Një nga emigrantet shprehet për’’Fax News” në pikën kufitare të Kakavijës se po i dalin pushimet dalin nga hundët, teksa fëmijët duken duke u dridhur prej të ftohtit.
Ata shprehen se kanë 5 orë në rradhë dhe se pala shqiptare punon me vetëm një sportel. Në 24 orë në Kakavijë mësohet se në Shqipëri kanë hyrë rreth 6 mijë emigrant m,e 1690 automjete. Vonesat në pikat e kalimit kufitar është një problem i përvitshëm me të cilën përballen emigrantët.
(E.K/FAXWEB)
https://www.youtube.com/watch?v=nvcEwppCqGE&feature=youtu.be
