”Na e vranë djalin”, nisin hetimet në komisariatin e Korçës. Sekuestrohen kamerat e sigurisë

Në lidhje me vdekjen në ambientet e Komisariatit të Korçës të një 27 vjeçari kanë dalë detaje të reja.

Gazetarja e ‘’Fax News” Ledjona Xheladinaj raporton se tashmë hetimi në lidhje me vdekjen e Enea Ftoit është marrë në dorë nga prokuroria e Korçës.

Është caktuar një prokuror dhe dy oficerë të policisë gjyqësore për të vijuar hetimet dhe kryerjen e veprimeve të ngutshme proceduriale.

Prokuroria ka sekuestruar kamerat e ambienteve të Komisariatit dhe dhomave të sigurisë. Po merret dëshmia e efektivëve të policisë, që kanë qenë në detyrë gjatë mbrëmjes së të mërkurës dhe mëngjesin e të enjtes.

Ekspertiza mjeko – ligjore pritet të kryhet nga dy ekspertë, njeri i pavarur dhe një tjetër nga Instituti i Mjekesise Ligjore. Ekspertiza do të zbulojë  shkakun e vdekjes së 27 vjeçarit Enea Ftoi.

Familjarët kanë pretendimet e tyre se djali është vrarë nga ana e Policisë.