“Na gjej një vend pune ose do t’i bashkohemi ISIS-it”, Rama “i përvishet” komentuesit

Kryeministri Edi Rama nuk nguron asnjëherë t’i përgjigjet komentuesve në faqen e tij të “Facebook”-ut. Ai shpesh bëhet edhe pjesë e debateve me komentuesit. Këtë herë Rama pasi ka bërë një status ku njoftonte për një dalje publike në media menjëherë filluan edhe komentet. 

Një qytetar i kërkon Ramës që t’i gjejë një vend pune, në të kundërt do t’i bashkohet ISIS-it, ndërsa shton se do ta bëjë Shqipërinë më të zezë se Siria.  Por edhe Rama nuk e ka lënë me kaq,  i cili i është ‘përveshur’ qytetarit ashtu siç di vetë ai.

KOMENTUESI: Zoti rama na gjej naj vend pune ose do detyrohemi ti bashkohemi isist ta bejm shqiprin me zi sesa sirin, sa na ka ardh ke huna perrallat e politikanve, beni mir te mendoni per popullin ndopak se i keni len mes oqeanit, njerzit dita dites po i fusin litarin vetes, mos rrini ne rrjete sociale duke nxjerr foto me pijata mishi neper vende luksoze, he te keqen se na ke ber tym me kto gjera.

EDI RAMA:  Edy, une jam i sigurt qe ti nuk di cfare flet sepse po ta dije nuk do flisje absurditete kaq te medha si berja zi e Shqiperise, jo thjesht se ti Shqiperise s’ke c’i ben hic po mbi te gjitha se eshte turp te flasesh ashtu per atdheun tend! Sa per pjatat luksoze, kushedi ku i ke pare se ne varkat e peshkimit dhe ne shtepite e fshatareve ku shkoj une, nuk ka pjata luksoze po ka pjata te mbushura me frutet e punes se ndershme, keshtu qe ti po deshe vertet pune dil e kerkoje se e gjen sic e kane gjetur 183 mije shqiptare ne keta 3 vjet e gjysem! Te them edhe ku ta gjesh po deshe, shko ne Zyrat e Punes, jane 38 mije vende te lira pune dhe nese nuk gjen dot pune se s’ke zanat, shko ne fshat e puno token sic e punojne ata qe sipas teje jane ne mes te oqeanit! Por kije parasysh, qe ne pune nuk te merr kush po nuk pate edukate dhe vullnet per pune. Shendet e sukses! (J.V/Shuplaka)