Banorët e Laprakës kanë zhvilluar një tjetër protestë kundër fabrikës së kullave Edil-Centro, që sipas tyre ndot ajrin për shkak të emetimit të gazrave të rënda.
Me parrulla në dorë, ku shkruhet “Një jetë kemi, mos na e nxini”, banorët së bashku me fëmijët e tyre në krahë, kanë protestuar ditën e sotme para Ministrisë së Mjedisit.
Sipas banorëve, se aktiviteti i fabrikës është i jashtëligjshëm, dhe se nuk ka leje mjedisore.
Një nga banorët i ka bërë thirrje kryetaritë të Bashkisë së Tiranës, Erion Veliajt se duhet të bëjë kujdes. GJithashtu, banori ka kërkuar edhe tu taksohet ajëri, pasi nuk jetohet në këtë mënyrë.
“Kjo fabrikë çliron lëndë kancerogjene dhe na rrezikohet jeta. I bëjmë thirrje lali Erit të ketë shumë kujdes. Ne vijmë për jetën tonë. Na e taksoni ajrin, ne do e paguajmë.”
Në protestë, ka qënë i pranishëm edhe ambjentalisti Sazan Guri, i cili u bëri thirrje autoriteteve të sensibilizohen me mjedisin.
“Banorët kërkojnë të drejtat e tyre, u bëj thirrje ministrave, autoriteteve të sensibilizohen me mjedisin. Unë isha tek “Agjensia e Kombëtare e Mjedisit” dhe më konfirmuan se nuk ka asnjë leje mjedisore për këtë kompani. Boll më, duhet merren masa. Është e dhimbshme që këta fëmijë të vuajnë.”
Sipas banorëve, fabrika prej 6 vitesh vijon aktivitetin e saj pa leje mjedisore, ndërkohë që herë pas here është gjobitur nga Inspektoriati i Mjedisit për ndotjen e shkaktuar. Nga kjo fabrikë, sipas vetë banorëve preken rreth 10 mijë qytetarë që jetojnë në zonën përrreth, ndërsa shtojnë se në çdo familje ka të paktën 1 person të sëmurë nga rrugët e frymëmarrjes.
(K.H/Faxweb.al)
