Lidhur me grabitjen spektakolare, dhe të përsëritur në Rinas, ka pasur një sërë reagimesh dhe nga ana e politikës.
Së fundi ka reaguar dhe deputeti socialist i Komisionit të Sigurisë, Paulin Sterkaj, i cili është shprehur se kompania koncensionare që merret me sigurinë në Aeroportin e Rinasit duhet të marrë menjëherë masa që këto situata të mos përsëriten.
“Tani gjithmonë këto që thyejnë ligjin janë një hap më përpara në strategjine e tyre për të bërë grabitjen. Realisht unë nuk i çmoj si të mira masat që janë marrë pas disa rasteve që kanë ndodh në Rinas dhe në rrugën e Rinasit. Duhet të hetohen më në thellësi problemet e lëvizjes së parave.
Përderisa ka një klallauz që tregon se lëvizin një shumë e madhe parash, kjo tregon se ka një person që drejton. Edhe hetimi duhet të bëhet më i thellë. Asnjë pilici private nuk ka të drejtë për hyrë me armë tek avioni, pasi kalojnë në skaner.
Unë i bëj thirrje koncesionarit që operon në aeroport, sa kontrollojnë cantat me kujdes sa na heqin edhe rripin nga brezi, të sigurojë territorin ku operojnë në Rinas për të mos hyrë kriminelët siç hynë dje pasi ka edhe pasoja. Unë mendoj që policia e shteti ka për të operuar pasi i ka provat”,- u shpreh Sterkaj.
Kujtojmë se gjatë ditës së djeshme në Rinas u grabitën nga barku i një avioni të Austria Airlines rreth 10 milionë euro, ndërsa u vra në rrethana ende të paqarta Admir Murataj.
(E.K/FAXWEB.AL)
