Berati është një nga qarqet që përplas fort PS-në dhe LSI-në. Duket se gara mes të dyve do të vendosë se kush do të marrë më shumë mandate e duke lënë në hije PD-në.
Mirëpo duke qenë një qark kaq shumë i luftuar nuk kanë munguar as përplasjet direkte mes përfaqësuesve të Partive aleate në qeverisje.
Edhe ish-kreu i LSI-së Meta nuk ia ka lënë mangët nga Berati Blendi Klosit duke e quajtur një kumarxhi.
“Në krye të grupit të punës ka ardhur një kumarxhi që rri me kriminelë dhe përdor segmente të caktuara të policisë së Beratit të lidhur me kanabisin për t’u bërë presion qytetarëve”, tha Ilir Meta në mitingun e LSI-së ne Berat.
Mesa duket Klosi nuk e ka duruar këtë. Ai e ka ndezur fillimisht situatën me publikimin e dy fotove, njërit të Mitingut të PS-së dhe tjetrit të LSI duke treguar me shenjë se kush prej të dyjave do të jetë forcë e parë.
Kujtojmë se Blendi Klosi është kreu i listës së PS-së në Berat.
E menjëhershme ka qenë dhe reagimi i Nasip Naços që është në krye të listës së LSI. Duke publikuar pamje të tjera ai thotë se numërimi i Klosit është përçart.
Po ashtu ai e fton Klosin që të jetë i duruar deri më 25 Qershor, ditë kur do të vendosin shqiptarët.
‘’Kur e vërteta të mundon jo thjesht nis të numërosh përçart, por edhe të deformosh realitetin.
Të krahasosh takimin e LSI organizuar vetëm për 24 orë, në mes të sheshit më të madh të Beratit, me atë të PS në rrugën më të ngushtë të mundshme para bashkisë Berat me perfaqësues të komplet qarkut, pra të pesë bashkive njëkohësisht, është njësoj sikur makinës t’i hedhësh vajguri e të mendosh të fitosh garën! Kjo është thjesht të gënjesh vetveten… Megjithatë, deri në datën 25, mejdanin aty e ke z. Klosi dhe po te pret’’, shkruan Naço bashkëngjitur fotos.
(E.K/SHUPLAKA)
Discussion about this post