Naftëtarët e Ballshit arritën që më në fund të marrin rrogat e nëntorit ditën e djeshme pas një proteste sublime ku u nisën në këmbë nga Fieri për në Tiranë.
Edhe pse arritën të tërheqin vetëm rrogat e nëntorit, për deputetin demokrat Enkelejd Alibeaj deklaroi në “Fax News”, kjo ishte një fitore që u arrit nga ata përmes protestës, dhe protesta sipas tij do të jetë lajtmotivi I vitit 2018-të.
Sipas tij qytetarët nuk kanë rrugët tjetër veçse të protestojnë ndaj një qeverie që i vjedh dhe i tall, ata duhet të zgjedhin të protestojnë për veten e tyre
“Nëse u kujtohet vajtja e ministave dhe Ramës që u thoshte se do të marrin 13 rroga, apo se uzina do të punonte pandërprerë, ishte mashtrim i madh. Ka një gjë pozitive lëvizja e naftëtarëve, që kur protestohet fiton e drejta, dhe ky duhet të jetë lajmotivi i qytetarëve sa kohe që politika i mashton i tall. Dhe unë shpresoj që 2018-ta do të ketë këtë lajtmotiv, unë besoj se këtë do të ketë. Ka një dëshpërim social sot, një ditë para vitit të ri. Zgjidhja është kjo: Qytetarët të protestojnë për veten e tyre”, tha Alibeaj. (B.H/Faxweb)
