Që në orët e para të mëngjesit ka vijuar edhe sot protesta e naftëtarëve të Fierit dhe të Ballshit. Ata janë vendosur përpara Prefekturës së Fierit, duke bllokuar rrugën përballë institucionit.
Protesta është shoqëruar dhe me përplasje verbale mes naftëtarëve dhe kryetarit të sindikatës së naftëtarëve, Kamber Iliazi.
Punonjësit e uzinës së përpunimit të naftës kërkojnë pagat dhe sigurimet shoqërore.
“1200 punëtorë kanë mbetur në mes të rrugës, kërkojme lekët tona, nafta shkon në tregjet europiane dhe ne mbetemi pa bukë” thonë protestuesit.
Më pas punëtorët kanë vendosur që të nisen me këmbë drejt Tiranës. Kjo nuk do të ishte hera e parë e një marshimi të tillë, pasi rreth një vit më parë të njëjtën gjë bënë edhe banorët e Zharrëzës.
(E.K/FAXWEB)
https://www.youtube.com/watch?v=Bbt8cvOxHTI&feature=youtu.be
