Nami në “Camp Nou”/ Përfundon ndeshja Barcelona-Liverpul, një takim për të mos u harruar

Ka përfunduar takimi Barcelona-Liverpul, me rezultatin e thellë 3 me 0, fitore kjo e madhe për kualifikimet e Champions League, për këtë skuadër.

Padyshim nuk kanë munguar rastet e skuadrës mike, por katalanasit kanë dominuar ndeshjen përmes aksioneve të tyre dhe me bindje të plotë themi se heroi i mbrëmjes së sotme ka qenë Lionel Messi.

Zhbllokimi për vendasit erdhi në minutën e 26-të, me Suarez që iu përvodh mbrojtjes së anglezëve dhe shënoi ndaj Alison.

Ndërsa Liverpuli u përpoq që të reagonte me qëllim balancimin e rezultatit, por më kot, “të kuqtë” nuk mundën dot të preknin rrjetën në të dyja pjesët e ndeshjes.

Gjatë pjesës së dytë, ekipi i Klop kishte një marsh tjetër, por Ter Shtegen në 3 raste, ruajti të paprekur rrjetën e tij. Nëse nuk shënon, do pësosh, dhe golin e dytë për Barçën e realizoi Mesi, në minutën e 75-të, në një aksion të bukur bashkë me Suarezin.

E gjithë skena bëhej për një gol triumfi, i cili do të vuloste rezultatin dhe ky fat ka ardhur në minutën e 82-të, ku përmes një goditje dënimi, Messi e çoi topin në trekëndësh, duke çmendur të gjithë tifozët, teksa njëkohësisht shënoi edhe golin e 600-të personal, duke barazuar Ronaldon.

Festa e yllit të futbollit për rekordin e tij personal do të habiste edhe trajnerin e Liverpulit Jurgen Klop, i cili pas deklaratave, “Nuk besoj se ‘Kamp Nou’ është një tempull i futbollit. I tillë është pa diskutim ‘Anfield Road’-i ynë”, i gjendur përballë perlave të Messit do të pranonte “magjinë”, duke bërë një fytyrë epike.

Deri në fund, rezultati nuk ndryshoi, dhe tashmë, me një këmbë Barcelona është në finalen e madhe, teksa Liverpulit do i duhet një mrekulli në takimin e kthimit.

(B.L/FAXWEB.AL)