Çdo ditë e më shumë duke u afruar zgjedhjet e Qershorit çdo takim mes përfaqësuesve të politikës shihet me hije dyshimi. Ditën e djeshme nga informacionet që qarkulluan në media u fol për një takim mes Fatos Nanos dhe Argon Dukës.
Sipas këtyre informacioneve Nano kishte tentuar ta bindtte Dukën që të hynte në zgjedhje duke braktisur në këtë mënyrë protestën e opozitës dhe Lulzim Bashën.
Agron Duka thotë se nuk ka asnjë të vërtetë lidhur me këto informacione. Por nga ana tjetër Duka nuk e mohon se ka patur një takim me Nanon pasi janë miq.
‘’Ne jemi takuar se jemi miq dhe sigurisht që bëmë bisedat e përditshme ku kemi folur edhe për tema të aktualitet. Nuk mund të mos flisnim edhe për politikë”, tha Duka për ”Shuplaka”-n.
Kujtojmë se Partitë Opozitare janë të vendosura që të mos bëhen pjesë e zgjedhjeve të qershorit pavarësisht ftesës së mazhorancës.
Partitë e vogla opozitare nuk kanë pranuar që të jenë pjesë e zgjedhjeve edhe pas negociimit të ndërkombëtarëve. Madje dje kreu i opozitës Basha tha se disa nga partitë janë ofertuar me mijëra euro për të hyrë në zgjedhje. (E.K/SHUPLAKA)
Discussion about this post