Analisti Mustafa Nano ka shpërthyer ndaj një tjetër personazhi të mediave dhe të analizës në Shqipëri, Cim Pekës. Në një intervistë për ‘Konica.al’ me Shpëtim Nazarkon ai është shprehur se asnjëherë nuk do të lexojë një shkrim të Pekës. Madje nëse e lexon thotë që do të jetë i çmenur në këtë rast.
‘’Ky sektori ynë është, si të thuash, i çimpekazuar, mirëpo soji i Çim Pekës janë njerëz që nuk kanë të bëjnë me këtë lloj gazetarie. Janë off-side dhe nëse do më gjeje ndonje ditë duke lexuar Çim Pekën do isha i cmendur. Dije se jam i cmendur. Ka shumë si ky’’, ka thënë Nano.
Nga ana tjetër Nazarko i është përgjigjur se Peka e njeh mjaft mirë realitetin politik, por Nano nuk ndan të njëjtin mendim.
‘’Unë nuk e njoh sa logjikë ka, por ça më kap ndonjë gje veshi, që e shoh nëpër ekrane, por nuk duket se ka logjikë. Ose ka logjikë dhe i intereson të mos ketë logjikë. Nuk më duket ndonjë gjë elegante, ose ndonjë gjë që ka gjëra për të thënë. Ashtu si Çim Peka kushdo është.
Merr një informacion minimal dhe bëj një shkrim të thjeshtë. Kërkoj ndjesë që përmenda dhe emrin madje. Por unë insistoj shumë te formimi, ndaj kthehem tek kreu i bisedës, sepse më kanë thënë dhe shumë djem e vajza që studiojnë apo kanë mbaruar gazetari:
Çfarë na duhet për t’u bërë gazetarë të mirë? Gjëja e parë që duhet është të dish të shkruash. Nuk them të jesh gjeni, por të dish të shkruash normalisht. Të dish të formulosh një frazë në mos të bukur, të saktë. Pastaj gjëja e dytë e rëndësishme, është të kesh një formim të mirë politik. Nuk mjafton se çfarë thotë Basha apo tjetri. Ky është minimumi-ose një reporter në versionin minimal- ç’thotë Rama, Meta kur hanë drekën… Puna është të ndjekësh se çfarë bëhet në këtë botë’’, ka përfunduar Nano. (E.K/SHUPLAKA)
