Ashtu siç ishte njoftuar edhe më herët NASA mbajti një konferencë me anë të së cilës u prezantua zbulimi i ri i agjencisë për botët e tjera jashtë sistemim tonë diellor. Në këtë konferencë u deklarua se 7 planete të ngjashme me Tokën janë zbuluar në orbitën pranë yllit xhuxh “Trappist-1”, dhe të gjithë mund të kenë ujë në sipërfaqen e tyre, një nga elementët kryesorë të jetës.
Po kështu mendohet nga shkencëtarët se në tre prej këtyre planetëve mund të ketë jetë pasi për shkencëtarët kushtet për jetësë janë mjaftueshëm të mira.
Gjatë konferencës për shtyp, autori kryesor i studimit Michael Gillon, një astronom në Universitetin e Liege të Belgjikës tha se planetet kanë përbërje shkëmbi ashtu si Toka, dhe kanë përmasa sa gjysma e planetit ku jetojmë ne. Temperaturat në këto planete që shtrihen 39 vite dritë larg nga Toka mendohen të jenë nga 0-100 gradë celsius që e bëjnë atë të banueshme. Gjithashtu studiuesit shprehen së në këto tre mund të ketë oqeane ku zhvillohet jeta nënujore “Njerëzit do të dëgjojnë shumë më shumë për këtë sistem ujor në muajt dhe vitet që do vijnë”, tha Gillon. (J.V/Shuplaka)
Discussion about this post