Naser Kelmendi lirohet nga paraburgimi, do të mbrohet në liri

Gjykata Themelore në Prishtinë ka vendosur për lirimin e Naser Kelmendit nga masa e paraburgimit dhe mrojtjen e tij në liri.

Këtë e ka bërë të ditur avokati i tij Besim Berisha nëpërmjet një postimi në rrjetet sociale.

Ai ka thënë se Prokuroria Speciale e EULEX-it përfundimisht ka humbur betejën me mbrojtjen e Naser Kelmendi lidhur me masën e paraburgimit.

“Naser Kelmendi nga sot do të mbrohet në liri. Vendimi i Gjykatës Themelore për lirimin e z. Kelmendi nga masa e paraburgimit tashmë është i formës së prerë dhe i njëjti nuk mund të apelohet”, ka shkruar ai.

Për Kelmendin ka akuza të rënda për trafikim të lëndëve narkotike, ai shpesh është konsideruar si një nga baronët e drogës në Ballkan. (B.H/Shuplaka)