Me nisjen e sezonit të ri të rubrikës “Shihemi në Gjyq”, në programin “E diela shqiptare”, juristja Eni Çobani ka rrëfyer situatën më të vështirë me të cilën i është dashur të përballet, gjatë drejtimit të kësaj rubrike.
“Ka qënë një natë dimri, ashtu si shpeshherë janë oraret e mia të punës, të zgjatura. Deri në orën 22:00 isha duke komunikuar me protagonisten që do të vinte ditën tjetër për t’u paraqitur në ‘Shihemi në gjyq’, por një orë më pas ajo më telefonon duke më thënë se i vinte keq dhe nuk vinte dot. Mbylla telefonin dhe nata më kaloi pa gjumë.
Në mëngjes herët, kam marrë makinën dhe udhëtova 3 orë larg Tiranës, gjeta shtëpinë e zonjës dhe i thashë që të çonim deri në fund atë që kishim nisur. Pas disa përpjekjeve bashkë erdhëm në studio dhe çështja u finalizua me sukses’, ka treguar Çobani.
Në fakt, puna në media shpeshherë rezulton e tillë. Punë me orare të zgjatura, zgjim herët në mëngjes, rrugë të largëta, probleme në minutën e fundit që rrezikojnë të shkatërrojnë gjithçka. Miegjithatë në këtë rast Çobani ia ka dalë me sukses. (D.D/Shuplaka)
