Emisioni “Natë me Xhaxhiun”, ka pritur në mbrëmje dy piktorët Robert Përmeti dhe Pëllumb Bylyku, të cilët kanë marrë nismën për të hapur një ekspozitë pikture të titulluar “Brezat”
Dy piktorët kanë ngritur shqetësimin në studio, për mungesë të financimit për artin, duke kërkuar më shumë si nga Ministria e Kulturës ashtu edhe nga Bashkia e Tiranës.
Piktori Përmeti u pyet nga gazetari Xhaxhiu lidhur me mungesën e pjesëmarrësve në pritjen e organizuar, ku tha: “Në fakt në ceremoninë e pritjes ishin rreth 200 persona, që nuk janë pak. Nuk është fjala për numrin por kush e kompleton këtë numër. Ata që ishin aty ishin njerëz të ndershëm e të nderuar. Ne kemi pasur mbështetje nga Bashkia e Tiranës dhe Ministria e Kulturës. Ministria e Kulturës ka një sërë drejtorishë për kulturënm dhe klëta e kanë për detyrë.”, – ndërsa shtoi se duhet bërë më shumë për artin dhe Kulturën, pasi mundësitë janë.
Ndërsa piktori Pëllumb Bylyku, u shpreh se po shuhet një brez i artë, pasi sipas tij, teknologjia po çorodit brzat e rinj.
“Me dhimbje se po shuhet një brez i artë, opr shqetësimi është se çfarë do të lëmë pas. Teknologjia, interneti ka sjellë edhe një çoroditje tek brezat e rinj”, – tha Bylyku.
Më tej piktori Përmeti tregoi sesi bëhet përzgjedhja e pjesëmarrësve në ekspozitë. Ai tha:
“Kemi një lloj strukture për të përzgjedhur pjesëmarrësit në këtë ekspozitë. Janë të gjithë piktorë të një karakteri akademik, por ka edhe artistë të rinj”.
Në vijim ai u shpreh se ka probleme me artin, për shkak të mungesës së financimit.
“Ka shumë probleme. Sa më tepër të kesh mundësi financiare, aq më shumë mund të bësh. I kemi të kufizuara mundësitë financiare”, – tha ndër të tjera Përmeti.
Ai u ndal edhe tek vetë ekspozita, ku prej disa prej pikturave u mungon korniza, ndërsa tha se kjo vjen për shkak të mungesës së fondeve.
(B.B/ Faxweb.al)
Discussion about this post