Aktivisti i “Qëndresa Qytetare”, Rigels Xhemollari, i ftuar në studion e emisionit “Natë me Xhaxhiun”, ka komentuar situatën aktuale, pas protestës së studentëve.
Ai u shpreh se brenda dy ditësh, ministrja ka mbledhur drejtuesit e universiteteve për të treguar se ajo i mbledh ata për të gjetur një zgjidhje, por që sipas tij kjo është vetëm një “show”.
Xhemollari u shpreh se për këtë keqqeverisje të universiteteve ministrja duhet të mbajë përgjegjësi.
“Studentët çdo ditë dhunohen nga universiteti, e i dhunuari një ditë do të shpërthejë. Ata dhunohen me tarifat, dhunohen nga korrupsioni ku 70 % e studentëve pranojnë korrupsionin dhe se kanë paguar për një notë, dhunoheh tek librat që detyrohen të blejnë nga pedagogët. Ata ndonëse marrin një bursë, ajo nuk mjafton as për librat që detyrohen të blejnë nga pedagogët, pra librat që kanë bërë pedagogët.”, – tha Xhemollari.
Me tej ai u shpreh se “në bachelor ka degë që e kanë tarifën deri në 400 mijë lekë të vjetra, por ka edhe degë që në master e kanë tarifën 3.2 milionë lekë të vjetra”.
I pyetur nga gazetari Rezart Xhaxhiu, se ku shpenzohen këto para, ai u shpreh:
“Si shpenzohen këto para? Me makina luksoze, sigurime me 200 mijë euro, ngrohje nuk ka, kushte nuk ka. Ja kështu shpenzohen paratë”.
Më tej ai tha se barriera financiare është një barrierë për të varfërit, ndonëse tarifa duhet të jetë e drejtë, sipas kostos por jo për luksin apo makinën e pedagogut dhe drejtuesve.
VIDEO:
(B.B/ Faxweb.al)
Discussion about this post