Gjatë një vizite në Bosnjë, sekretari i Përgjithëm i aleancës veri-atlantike Jens Stoltenberg tha se NATO po ndihmon qeveritë e Ballkanit Perëndimor, organet e tyre të zbulimit dhe të mbrojtjes për t’i rezistuar ndikimit të huaj politik, sidomos atij rus.
Gjatë këtij takimi, sekretari Stoltenberg foli edhe për bashkëpunimin me Malin e Zi, i cili më në fund pritet të bëhet anëtar i kësaj aleance.
“Mënyra më e mirë për të rritur gatishmërinë ndaj çdo lloj ndikimi të jashtëm apo ndikimi të mundshëm është që të sigurohemi që institucionet në vendet e Ballkanit Perëndimor të jenë të forta, të modernizuara dhe të reformuara”, tha Stoltenberg gjatë këtij takimi.
Ndërkohë ai shtoi se NATO nuk do të detyrojë asnjë vend që t’i bashkohet aleancës dhe inkurajoi udhëheqësit e grupeve rivale etnike të Bosnjës që të arrijnë një kompromis mbi të ardhmen e vendit dhe rrugën e tij drejt anëtarësimit në NATO dhe në BE. (D.D/Shuplaka)
Discussion about this post