Ky vit përkon me 10 vjetorin e anëtarësimit të Shqipërisë në Aleancën më të madhe ushtarake në botë, NATO. Kjo e fundit ka shpërndarë një foto të ditës kur Shqipëria u bë zyrtarisht pjesë e Organizatës Veriatlkantike, ku shihet edhe kreu i Partisë Demokratike të Shqipërisë, në atë kohë Ministër i Jashtëm.
Foto është shkrepur gjatë një konference për shtyp të Bashës së bashku me Sekretarin e Përgjithshëm i NATO-s Jaap de Hoop Scheffer, dhe kryediplomatin e Kroacisë në atë kohë, Gordan Jandrokoviç.
Përkrah fotos shkruhet se me datë 1 prill të vitit 2009 Shqipëria dhe Kroacia ju bashkuan Aleancës duke ndarë me të të mirat dhe përgjegjësitë për sigurinë kolektive.
“Më 1 prill 2009, Shqipëria dhe Kroacia përfunduan procesin e anëtarësimit dhe u bashkuan me Aleancën si vende anëtare. Duke u bërë anëtarë të NATO-s, aleatët ndajnë të mirat dhe përgjegjësitë për sigurinë kolektive”, shkruan NATO në faqen e saj në Instragram.
Shqipërinë dhe Kroacinë i kanë uruar edhe vende të tjera të NATO-s, si Shtetet e Bashkuara apo Kanadaja.
(F.GJ/FAXWEB.AL)
Discussion about this post