Manovrat e koduara me emrin “Zapad”, tq cilat fillojnë më 14 shtator dhe kanë ngritur tensionet mes Natos dhe Rusisë.
Sekretari i Përgjithshëm i Natos, Jens Stoltenberg i bëri thirrje Rusisë të jetë më transparente rreth manovrave ushtarake me Bjellorusinë.
Po ashtu Stoltenberg tha sot se aleanca do të vëzhgojë nga afër manovrat ushtarake të Moskës në Bjellorusi dhe në perëndim të Rusisë muajin e ardhshëm.
Gjithashti ai I bëri thirrje Rusisë të jetë transparente dhe të përmbyshë detyrimet e saj sipas marrëveshjeve ndërkombëtare.
“Të gjitha vendet kanë të drejtë të stërvisin forcat e tyre, por ato duhet të respektojnë angazhimin e tyre për transparencë. I bëj thirrje Rusisë të zbatojë detyrimet e saj sipas marrëveshjes së OSBE-së pasi transparenca është shumë e rëndësishme kur ka shtim të aktiviteteve ushtarake përgjatë kufijëve tanë”, tha Stoltenberg.
Ndërkohë që Manovrat ‘Zapad’ do të përfshijnë mijëra trupa dhe pajisje nga Rusia dhe Bjellorusia që do të dislokohen pranë kufijëve me vendet anëtare të Natos – Estoninë, Letoninë, Lituaninë dhe Poloninë.
(S.SH/Shuplaka)
