”Nazer Seitaj ishte bërë gati të fliste, ç’ndodhi në qeli”

Në lidhje me ekstradimin e Nazer Seitit në drejtim të Italisë, duke shkelur ligjin janë ngritur shumë pikëpyetje.

Gazetari Basir Çollaku ka bërë dje një deklaratë të fortë, duke u shprehur se Seitaj, njeriu kyç në dosjen Tahiri-Habilaj ishte bërë gati të fliste.

 “Nazer Seitaj është ekstraduar me shpejtësi drejt Italisë pasi ai ishte bërë gati të fliste”, tha Çollaku.

Sipas tij, kur kanë shkuar prokurorët për ta marrë në pyetje në qeli atë ditë, i arrestuari nuk ka pranuar të flasë pasi i ka munguar avokati.

“A e kuptoni që ky njeri ka ikur pa dhënë asnjë dëshmi në Shqipëri”, është shprehur më tej Çollaku. Në vijim ai tha se është bërë një inspektim në lidhje me çështjen me urdhër të Kryeprokurores së Përkohshme.

“Nazer Seitaj është në dijeni të ministrave, ish-ministrave, qytetarëve, zyrtarëve që kanë marrë para, sa kanë marrë dhe si e kanë marrë.

Për ekstradimin e tij janë shkelur ligjet, ai është larguar me urgjencë sepse ishte bërë gati të fliste”, tha Çollaku.

Lidhur me dosjen e Habilajve, Çollaku tha se në Shqipëri ka ardhur vetëm 4-5 % e dosjes, ndërsa pjesa tjetër është në Katania. 

(E.K/FAXWEB)