Nezar Seiti i njohur si financier i Habilajve ka dhënë shpjegime të hollësishme në Prokurorinë e Catanias.
Dëshmia e tij do ti vihet në dispozicion prokurorisë për Krime të Rënda në vendin tonë.
Burimet e ‘’Faxnews” thonë se Seiti ka implikuar edhe njerëz të drejtësisë shqiptare.
Nezar Seiti është arrestuar në Shqipëri si anëtar i grupit të Habilajve, ndërsa kujtojmë se ekstradimi i tij drejt Italisë ka hapur një sërë polemikash në vendin tonë.
Firma e ministres Gjonaj u bë në shkelje të ligjit shqiptar që parashikon se ai fillimisht duhet të jepte llogari në vendin tonë, dhe më pas në drejtësinë italiane.
Nezar Seiti që konsiderohet si një nga njerëzit më të besuar të Moisi Habilajt, (i arrestuar ne Itali) u arrestua në Babicë të Vlorës më 19 tetor të vitit të kaluar gjatë një operacioni antidrogë ku u sekuestruan rreth 4 ton kanabis. Përgjatë katër muajve që qëndroi në paraburgim, Nezar Seiti e kyçi gojën për hetuesit shqiptarë.
(E.K/FAXWEB)
Discussion about this post