Ka ndërruar jetë në moshën 93-vjeçare aktori i njohur anglez, Peter Vaughan.
Këtë lajmi e konfirmoi agjenti i tij, i cili tha për mediat britanike se aktori ka vdekur rreth orës 10:30 të mëngjesit të sotëm.
Vaughan do të mbahet mend gjithmonë për rolin e tij si mjeshtri i verbër Aemon Targaryen, në serialin “Game of Thrones”, por jo vetëm.
Karriera e tij e gjatë si aktor për 75 vjet me radhë, jo vetëm në fima por edhe në teatër, ka lënë gjurmë në botën e aktrimit.
Vaughan ka interpretuar në sezonin e parë, të tretë, të katërt dhe të pestë të serialit “Game of Thrones”, duke filluar nga viti 2011 deri në vitin 2015.
