Bill Paxton, aktori i njohur hollivudian ka ndërruar jetë dje pas komplikimeve gjatë një operacioni.
Paxton vdes në moshën 61-vjeçe pas një karriere të gjatë në plot filma të suksesshëm.
“Me dhimbje në zemër e ndajmë lajmin se Bill Paxton ka vdekur pas komplikimeve nga një operim,” ka deklaruar familja e tij në një komunikatë. Paxton ka luajtur në filmat si “Titanic”, “Twister”, “Apollo 13”, dhe “Terminator”. Ai lë prapa bashkëshorten dhe dy fëmijë.
“Një bashkëshort dhe baba i dashur, Bill filloi karrierën në Hollivud duke punuar për filma që shënjuan rritje të mëdha në karrierën e tij prej 4 dekadash. Pasioni i Bill për artet ndihej nga të gjithë ata që e njihnin atë, dhe energjia e tij e pashtershme i solli shumë suksese,” shkruhet në njoftimin familjar të bërë për vdekjen e Bill.
Titanic konsiderohet si një nga filmat më të kushtueshëm në kinematografinë botërore. Anija e Titanikut ishte anija më e madhe në botë në vitin 1912.
(M.D/ Shuplaka)
