Para dy ditësh është ndarë nga jeta në moshën 91-vjeçare në Francë Mark Dodani. Shkrimtari vuante prej kohësh nga një sëmundje e rëndë. Trupi i tij do të vijën në vend pas disa ditësh. Dodani ka lindur më 24 shkurt të vitit 1926, në Naraç të Shkodrës.
Mbaroi shkollën fillore në Orosh të Mirditës. Më pas mbaron gjimnazin në Tiranë. Në vitin 1964, kreu studimet e larta në Universitetin e Tiranës, në Fakultetin Histori-Filologji, dega Gjuhë dhe Letërsi. Studimet pasuniversitare i ka përfunduar në vitin 1976, pranë shkollës së Ministrisë së Punëve të Brendshme.
Ka qenë partizan që në vitin 1943 dhe me përgjegjësi që në kohën e luftës. Ka punuar mbi 35 vjet në organet e Sigurimit të Shtetit ku ka luftuar kundra bandave. Pas daljes në pensionin e parakohshëm, u atashua si shkrimtar i lirë pranë kinostudios “Shqipëria e Re”. Ka shkruar 3 romane, një monografi, dhjetë novela, disa vëllime me tregime, tre skenarë filmash artistikë dhe pesë skenarë dokumentarësh. (E.K/SHUPLAKA)
Discussion about this post