Është ndarë nga jeta përkthyesi i njohur Afrim Koçi. Lajmin e hidhur e ka dhënë Aurel Plasari i cili shprehet për mikun e tij se ishte një punëtor i palodhur i përkthimit të letërsisë botërore.
“Do t’i jenë mirënjohës jo vetëm bashkëkohësit, por edhe brezat që do të vijnë për përkthimin e një biblioteke të tërë veprash dhe kryeveprash. Ndër të tjerë autorësh si Gothe, Tolstoi, Bjelinski, Ibsen, Prosper Merimé, Joseph Conrad, Gorki, Thomas Mann, Alexis Kivi, Szigmond Moricz, Ludwig Renn, Heinrich Böl, Robert Escarpit, Günter Grass, Max von der Grün, Peter Haertling, Hermann Hesse, Siegfrid Lenz, Peter Weiss, Heinrich Mann, Ivan Olbracht, Max Frisch, Klaus Mann, Walter Benjamin, Wolfgang Borchert, Öivind Bolstad, Jostein Gaardner, Elfride Jelinek, por edhe albanologësh të rëndësishëm, si Franz Babinger, Peter Bartl, Ekrem bey Vlora etj.”, shprehet Plasari.
Sjellim në vëmendje që Afrim Koçi, është përkthyes i 89 veprave, në 40 vjet punë është simbol përkushtimit total ndaj fjalës së shkruar. Ai ka fitues i Çmimit Kombëtar të Letërsisë dhe shqipëruesi i shumë kryeveprave të autorëve të mëdhenj. (J.V/Shuplaka)
Discussion about this post