Ndahet nga jeta prezantuesja e BBC, u kthye në simbol të luftës me kancerin

Aktivistja e kancerit, blogerja, transmetuesja dhe ish-mësuese, Dame Deborah James, ka vdekur në moshën 40-vjeçare.

Ajo kishte marrë kujdesin e fundit të jetës për kancerin e zorrëve në shtëpi dhe kishte mbledhur miliona për kërkimet shkencore në fushën e kancerit.

Prezantuesja e podcast-it të BBC-së You, Me and Big C, u nderua në maj në shenjë mirënjohjeje për mbledhjen e fondeve të saj.

Dame Deborah, nënë e dy fëmijëve, u diagnostikua me kancer në zorrë në vitin 2016. Familja e saj e përshkroi atë si “të mahnitshme” dhe një “frymëzim”.

Ata kanë njoftuar vdekjen e saj përmes një postimi në faqen e saj në Instagram. “Jemi thellësisht të pikëlluar të njoftojmë vdekjen e Dame Deborah James; gruaja, vajza, motra, mamaja më e mahnitshme”, thuhet në njoftim.

Ajo ndërroi jetë e qetë e rrethuar nga familja e saj.

Familja e saj tha se Dame Deborah ndau përvojën e saj për kancerin për të “rritur ndërgjegjësimin, për të thyer barrierat, për të sfiduar tabutë dhe për të ndryshuar bisedën rreth kancerit”.

“Edhe në momentet e saj më sfiduese, vendosmëria e saj për të mbledhur para dhe ndërgjegjësim ishte frymëzuese.”

Dame Deborah u lavdërua për qasjen e saj mbi kancerin, pasi ndau përvojat e saj të trajtimit dhe jetës së përditshme që nga diagnoza e saj në 2016.

Nga një zëvendës drejtoreshë, ajo filloi një blog për kancerin, përpara se të shkruante për Sun dhe të bëhej transmetuese e BBC.

Por më 9 maj ajo njoftoi se nuk po merrte më kujdes aktiv dhe nuk e dinte sa kohë i kishte mbetur.

“Trupi im thjesht nuk mund të vazhdojë më,” tha ajo në një postim në llogarinë e saj në Instagram @bowelbabe .

Ajo gjithashtu lançoi një fond të ri, të quajtur fondi Boëelbabe, për të mbledhur para për kërkime në mjekësinë e personalizuar për pacientët me kancer.

Ajo tejkaloi 1 milion £ në më pak se 24 orë – duke e thyer qëllimin e saj fillestar prej 250,000 £ – dhe tani ka mbledhur pothuajse 7 milion £.

Në maj, ajo u nderua nga Princi William në shtëpinë e prindërve të saj në Woking, Surrey, ku kishte zgjedhur të qëndronte.

Duka dhe Dukesha e Kembrixhit – të cilët dhuruan për fondin e kërkimit – vlerësuan “përpjekjet e palodhura” të saj dhe e falënderuan atë që “u dha shpresë” atyre që jetojnë me sëmundjen.

Nga ana e saj, Dame Deborah tha se vizita e Ëilliam ishte “surreale”.

“Ju mund të imagjinoni veprimet e pastrimit dhe përgatitjet dolën jashtë shkallës – por gjithçka ishte e parëndësishme sepse William ishte kaq i sjellshëm,” tha ajo.

Paratë e mbledhura përmes fondit të saj Boëelbabe do të mbështesin Cancer Research UK, Boëel Cancer UK dhe Royal Marsden Hospital – një strukturë e specializuar për trajtimin e kancerit.

Kryeministri Boris Johnson e përshkroi atë si “një frymëzim për shumë njerëz”, ndërsa lideri laburist Sir Keir Starmer tha se puna e saj bamirëse ishte “me të vërtetë frymëzuese… edhe në momentet më sfiduese”.

Drejtori i përgjithshëm i BBC-së, Tim Davie tha se ajo ishte një “frymëzim i vërtetë” dhe mënyra se si ajo foli për kancerin “lëvizi kombin, frymëzoi ndryshimin dhe padyshim shpëtoi jetë”.

(E.K/Faxweb.al)