Inis Kraja vajza e vetme e sopranos shqiptare Marjie Kraja,është ndarë nga jeta.
Perkthyesja dhe profesoresha Inis Kraja është ndarë nga jeta mëngjesin e sotëm në moshën 67-vjeçare.
Lajmin e hidhur për vdekjen e papritur të Inis e ka dhënë mikesha e saj Klodeta Dibra në rrjetet sociale. Inis ishte vajza e vetme e solistes së parë të Teatrit të Operas dhe Baletit, Marije Kraja.
“U prehsh në paqe fisnikja, qytetarja Inis Kraja!
Plot vite kaluam s’bashku në Fakultetin e Gjuhëve të huaja si kolege e mikesha. Të kam çmuar përherë për profesionalizmin tënd, korrektesën, miqësinë pa hile, fjalët e pakta por të mençura, buzëqeshjen ‘koprrace’ por domethënëse, hijeshinë hollake të shtatit tënd, mençurinë e fisnikërinë e trashëguar nga dy prindërit e tu të mrekullueshëm, profesori i Latinishtes dhe e madhja Marije Kraja.
Jam pa fjalë sot, Inis.
Do rrokësh fort ata që të deshën e të kultivuan aq bukur, duke u ngjizur në amëshim.
Qofsh e Parajsës, profesoresh”
(M.Q/Faxweb)
Discussion about this post