Ndahet para kohe nga jeta moderatori i njohur i RAI-t në Itali

Është ndarë para kohe nga jeta prezantuesi i njohur italian Fabrizio Frizzi.

Ai  ka vdekur gjatë natës në spitalin Sant’Andrea në Romë, pas një hemorragjie cerebrale.

Kanë qenë mediat italiane ato që kanë raportuar sot për humbjen e madhe dhe vete RAI e ka quajtur ndarjen nga jeta te Firzzit si nje humbje të një pjesë të rëndesishme të tij. Prej vitesh Frizzi ishte një nga ikonat më të rëndësishme të këtij televizioni.

“Me Fabrizion ikën një pjesë prej nesh, e historisë sonë, e jetës sonë të përditshme”- ka deklaruar zyrtarisht RAI.

Familjarët e tij e kanë konfirmuar lajmin, gruaja e tij Carlotta, vëllai i tij Fabio dhe familja e tij: “Faleminderit Fabrizio për gjithë dashurinë që na ke dhënë”.

Më 23 tetor, Frizzi pësoi ishemi gjatë regjistrimit të një episodi të programit “L’Eredità”. Ai u dërgua në spitalin e Romës, por u përmirësua dhe doli disa ditë më vonë.

Prezantuesi u kthye në TV në dhjetor, gjithmonë në krye të programit në RaiUno. Më 5 shkurt, ai mbushi 60 vjeç. Duke folur për sëmundjen, ai tha, “Nuk ka mbaruar akoma: nëse unë shërohem, do t’ju tregoj gjithçka në detaje, sepse unë do të bëhem dëshmitar i hulumtimit, tani është hulumtimi që më ndihmon”.

(E.K/FAXWEB)