Drejtoria Vendore e Policisë Elbasan ka raportuar disa raste të rëndësishme në shërbimet e Komisariatit të Policisë Librazhd dhe grupeve hetimore. Mes tyre, një shtetas është ndaluar pasi dyshohet për ngacmim seksual ndaj dy nxënëseve, ndërsa një 15-vjeçar është proceduar për dhunë ndaj xhaxhait të tij.
Po ashtu, janë referuar çështje për posedim droge, mos-pagim të kontributeve shoqërore dhe vjedhje automjeti, ndërsa një tjetër rast ka të bëjë me largimin e një shtetasi nga banesa, i cili më vonë është gjetur në gjendje të mirë shëndetësore. Të gjitha materialet janë referuar për hetime të mëtejshme në Prokurori.
Drejtoria Vendore e Policisë Elbasan
Shërbimet e Komisariatit të Policisë Librazhd:
-ndaluan me iniciativë shtetasin F. H., 55 vjeç, pasi dyshohet se ka ngacmuar seksualisht, 2 nxënëse të shkollës ku ishte mësues;
-referuan materialet në Prokurori ku nisi procedimi penal për një 15-vjeçar, pasi dyshohet se për motive të dobëta, ka dhunuar xhaxhanë e tij.
Specialistët për Hetimin e Narkotikëve referuan materialet në Prokurori, ku nisi procedimi penal për shtetasin F. T., 22 vjeç, pasi gjatë kontrollit fizik iu gjet një sasi e vogël Cannabisi.
Specialistët për Hetimin e Krimeve Ekonomike dhe Financiare referuan materialet në Prokurori, ku nisi procedimi penal për shtetasin A. H., 56 vjeç, pasi dyshohet se nuk ka paguar kontributet për sigurime shoqërore në favor të një punonjësi në biznesin e tij.
Ka kallëzuar shtetasi A. Th., 38 vjeç, se gjatë natës, i kanë vjedhur automjetin në fshatin Karinë. Punohet për identifikimin dhe kapjen e autorit/ëve të vjedhjes.
Në vijim të informacionit të dhënë më datë 09.04.2024, për largimin nga banesa të shtetasit M. Gj., 29 vjeç, banues në fshatin Stërblevë, informojmë se ky shtetas u gjet në gjendje të mirë shëndetsore. Ai deklaroi se ishte larguar nga banesa, me dëshirë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
