Elez Biberaj, drejtor i “Zerit të Amerikës” për Euroazinë ka qenë i ftuari për gazetarin Roland Qafoku në emisionin “Debate në Channel One”.
I pyetur në lidhje me vendimin e sekretarit Amerikan të Shtetit, ku për herë të parë në historinë e Shqiperisë i ndalohet, jo vetëm një ish zyrtari, por edhe bashkëshortes dhe dy femijëve të tij me emra dhe mbiemra të përveçëm, ndalimi i hyrjes në SHBA, Biberaj tha se ky vendim ka kaluar nëpër shumë e shumë filtra përpara se të firmoset dhe nuk ka lidhje me pretendimet e ish Kryeprokurorit, se kemi të bëjmë me një desinformim të Ambasadorit Amerikan në Tiranë Donald Lu.
“Njoftimi është shumë i qartë. Që të ndërmerret një veprim i tillë duhet të jetë një çështje shumë serioze. Nuk besoj në atë që ka thënë Llalla se ambasadori ka deziniofmuar. Ambasadori ka investuar shumë në këtë vend në luftën kundër korrupsionit, kundër krimit të organizuar. Qeveria Amerikane funksionon në mënyrë mjaft perfekte. Që të ndërmerret një veprim i tillë duhet të ketë kaluar nëpër shumë kanale. Çështja duhet të jetë mjaft serioze. Vendimi është shumë i qartë.”
(M.Q/Faxweb)
Discussion about this post