Gjykata e Apelit në SHBA ka rrëzuar kërkesën e presidentit amerikan Donald Trump për rivendosjen e masës së ndalimit të udhëtimit për refugjatët nga shtatë vende myslimane.
Mësohet se Departamenti i Sigurisë Kombëtare ka pezulluar zbatimin e urdhrit të presidentit Trump, pas bllokimit nga ana e gjykatësit federal James Robart.
Pas vendimit të Robart, Shtëpia e Bardhë u shpreh se do t’i përmbahej vendimit deri në momentin e ndërhyrjes së Departamentit të Shtetit. Por kërkesa e këtij departamenti është rrëzuar nga Gjykata e Apelit, e cila kërkoi që administrata e Donald Trump të paraqesë më tepër argumente kundër hyrjes së refugjatëve. Afati për Departamentin e Shtetit është deri të hënën.
Sipas Avokatëve të Shtetit, ndalimi i hyrjes për emigrantët nga këto shtatë vende, ishte jokushtetues.
Presidenti i SHBA-ve firmosi pak ditë më parë ndalimin e emigrantëve nga Libia, Somalia, Iraku, Sudani, Siria, Jemeni, Irani. Ky urdhër ekzekutiv është pasuar me protesta të vazhdueshme në SHBA dhe jo vetëm. (XH.A/SHUPLAKA)
Discussion about this post