Skuadra e Kukësit u ndalua një ditë më parë në Vjenë dhe më pas 8 lojtarë u shoqëruan në polici.
Mediat austriake kanë zbardhur detajet ku dyshimet kanë lindur gjatë ndeshjes kundër Dinamos së Moskës të humbur me shifrat 6-0 nga verilindorët, një sfidë e cila bëri të ndizen kambanat e alarmit te kompanitë e monitorimit të basteve.
Policia austriake ka një marrëveshje bashkëpunimi me kompaninë “Sportradar” dhe pas përfundimit të ndeshjes, kompania në fjalë ka sinjalizuar policinë, e cila ka marrë masat që të hetonte këtë çështje.
Shefi i Departamentit për Krimin e Organizuar në Policinë Federale Austriake, Andrea Holzer është shprehu se “Të 8 lojtarët u zgjodhën në bazë të analizës video të ndeshjes”, tha ai.
Ndërkohë që policia austriake, ka një task-forcë të veçantë për luftën ndaj manipulimit të ndeshjeve, ka qenë ata të bcilët kanë përcaktuar si të dyshimta sjelljet e lojtarëve të cilët më pas u morën në pyetje. (S.SH/Shuplaka)
