Vetëm pak ditë më parë AMA ndapi së publikuari një sport të transmetuar nga Administratori i Universitetit Europian të Tiranës Henri Çili.
Ditën e djeshme Çili i është përgjigjur AMA-s për ndalimin e një spoti të transmetuar pak ditë më parë. Për “News 24” Çili ka thënë se sot do t’i drejtohet AMA-s për të diskutuar për këtë spot reklamues, duke paralajmëruar edhe vazhdimin e çështjes në gjykatë.
“Ky është një akt i njëanshëm. Reklama ishte liri mendimi dhe nuk është kundër një subjekti. Ne thamë një opinion dhe një liri të shprehjes, nuk është goditje e konkurrencës. A do më censuroje ti nëse thosha që televizioni privat është më i mirë se ai publik, apo nëse thosha që spitali privat është më i mirë se ai shtetëror? Kjo është fjalia jonë. A është kjo fjali për t’u ndaluar? Çfarë nuk shkon këtu? Ne do të shkojmë nesër te AMA me aparatin tonë administrativ dhe nëse ky vendim nuk ka kthim pas diskutimin, atëherë do ti drejtohemi Gjykatës Administrative për ta rrëzuar poshtë”, ka thënë Henri Çili.
Më tej Çili ka folur një temë tjetër me interes, për monopolin e universitetit shtetëror, duke thënë se për sektorin privat bëhet zhurma më e madhe, por në të vërtetë ai përfaqëson vetëm 10% të tregut.
“A e kuptoni se Universitetit shtetëror në monopolin e tij ka 90% të tregut. Po bëhet një zhurmë shumë e madhe për sektorin privat, ndërkohë që ka vetëm 10%. Është duke bllokuar zhvillimin e vendit. Mbajtja e tregut të edukimit, është një regres kombëtar. Pse duhet të kemi monopol më? Nuk ka kuptim. Universiteti shtetëror, spitali shtetëror, apo televizioni shtetëror, duhet të vihen kushte konkurente. Qeveria duhet të krijoje tregun e edukimit sipas kërkesave. Ka 15 vite që ka nisur 15 vite akreditimi në Shqipëri dhe nuk është dhënë asnjë diplomë e tillë. E dini ju që Ambasada Amerikane nuk jep viza për studentët të Universitetit të Tiranës dhe të tjerë shtetërore, sepse nuk janë të akredituar”, tha ai. (J.V/Shuplaka)
Discussion about this post