Presidenti i Kosovës Hashim Thaçi, shpreh dhimbjen dhe ngushëllimet e tij për ndarjen nga jeta të shkrimtarit dhe poetit të madh Dritëro Agolli.
Thaçi shprehet se me humbjen e Dritëroit, kultura shqiptare mbeti pa një prej titanëve të saj më të mëdhenj.
“Me pikëllim mora lajmin për vdekjen e Dritëro Agollit.
Para disa muajve pata një takim të ngrohtë me Dritëron në Tiranë, me shkrimtarin, poetin dhe intelektualin e shquar kombëtar që pas vete la një trashëgimi të madhe shpirtërore.
Ai ishte autentik në krijimtari artistike, por edhe në bindjet e tij politike.
Bota shqiptare në veprën e tij letrare u trajtua estetikisht me dimensione të thella, duke shpërfaqur fatin e njeriut tonë, jetën, vdekjen, punën e mbi të dashurinë ndaj atdheut.
Kultura shqiptare mbeti pa njërin nga titanët e mëdhenj.
Ngushëllimet më të sinqerta për familjen Agolli!”, shkruan Thaçi.
Agolli u nda nga jeta rreth orës 16:00 të ditës së sotme, për shkak të problemeve serioze në mushkëri. (D.D/Shuplaka)
